⏳ Lehena iristen zara… baina azkena zara arreta jasotzen. Nola sentitzen zara?

[baginismoa, zailtasunak sarketarekin, alertan kontaktu intimoekin] 🕒 Lehena iristen zara… baina azkena zara arreta jasotzen. Eta barrutik… lehertu egingo zinateke. Zure inguruko guztiak aurrera doaz: bikotekidearekin, haurdun, harremanetan… Eta zu, han. Zain. Geldirik. “Eta ni zer?” 💬 Testu hau zuretzat da, baginismoarekin edo sexuarekiko beldurrarekin bizi bazara. Eta batez ere: bizitza ez pasatzeko prest bazaude. 👉 Irakurri osorik hemen:

Nerea Sancho Esnaola

7/17/20251 min irakurri

Collage: salvaje y frondosa existencia. Nexu 2023.

⏳ Lehena iristen zara… baina azkena zara arreta jasotzen. Nola sentitzen zara?

Gaur ospitalera joan behar nuen.
“Erretoke” txiki bat, ezer larririk ez.

15 minutu lehenago heldu naiz. Dena ondo.
Baina, tira... tiketean beste ordu bat jartzen zuen.
Geroagoa. Eta gero eta geroago…
🕒 3 ordu geroago atera naiz. Eta egia esanda, negar egiteko gogoz.

Ez da soilik itxaronaldia.
Ikusezina sentitu naiz.
Beste asko nire aurretik pasatzen ikusi ditut:
Emakumeak, gizonak, denak…
Eta ni han, zain. Inork ez ninduen deitzen.

🧍‍♀️ Azkenean, neu salbatu behar naiz.
Medikuarengana joan eta esan: “zerbait gaizki dabil, ez naute deitzen”.
Garbitzaile greba zegoen; zorua eta bazterrak paper zatiekin...
Oso polita dena 😩

Baina benetan mugitu nauena ez da hori izan bakarrik.

Zuregan pentsatu dut.

Bai, zu zara itxarongelan bizitza pasatzen duzuna.
Zure lagunak, lehengusinak edo arrebak ikusten dituzu:
💍 Bikotekide egonkorrarekin
🤰 Haurrak esperoan
🔥 Ligatzen, lotsarik gabe
🫶 Harremanetan konprometituta

Eta zu?
Hor.
Geldirik.
Itxaroten.
Zure burua galdezka:

“Eta ni zer?”
“Zergatik aurreratzen dira beste guztiak eta ni ez?”
“Zergatik sentitzen naiz hain atzean...?”

Penetrazioaren edo sexuaren beldurrak bizitzatik kanpo uzten zaituenean

🎯 Baginismoa baduzu edo intimitateak beldurra ematen badizu, erraza da sentitzea besteek aurrera egiten dutela eta zuk ez.

Ez da soilik bikotekiderik ez duzulako.
Batzuetan, bikotekidea izanda ere...
👉 Blokeatu egiten zara intimitatea heltzen denean.
👉 Lotsa, mina edo alerta bat sentitzen duzu gorputzean.
👉 Edo harreman mota horiek saihesten dituzu, badakizulako hor hasten dela arazoa.

Eta denbora pasatzen da.
Eta zure aurretik doaz besteak.
Eta min egiten du horrek.

Baina gaur, hau esatera nator:

💥 Ez geratu zain.
📢 Zure txanda da.
⚡ Egin zerbait.
Beldurra izan dezakezu. Amorrua. Tristura.
Baina mugitu.

Zuk ere merezi duzu aurrera egitea.
Zure neurrira egindako bizitza bat eraikitzea.
Zure gorputzean lasai sentitzea. Intimitatean konfiantza berreskuratzea.

💌 Pauso hori eman nahi baduzu, idatzi.
Baginismoa gainditzeko, zure sexualitatea askatzeko eta zain egoteari uzteko bidea azalduko dizut.